Serikali ya Uganda yatishia Kuwakamata Wafuasi wa Upinzani

Serikali ya Uganda imetishia kuwakamata wafuasi wa kinara wa chama cha upinzani cha “Forum For Democratic Change” (FDC) Dkt Kiiza Besigye.

Utawala wa rais Yoweri Museveni umesema utawakamata wale wanaojiunga katika vikundi wakati wa kuhesabu kura  kwenye uchaguzi mkuu wa mwezi ujao.

Hayo yanajiri wakati wafuasi wa chama tawala cha NRM kwa mara nyingine wamevamia mikutano ya wagombea urais wa upinzani Dkt Kiiza Besigye na Amama Mbabazi na kutatiza hotuba zao.

Toka kuanza kwa kampeni za urais nchini Uganda kumekuwa na ghasia baina ya wafuasi wa vyama vya siasa vinavyowania kupata kura nyingi na wagombea wao kushinda katika uchaguzi ujao.

Unaweza kusikiliza sauti ya mwandishi wetu wa Kampala, Kennes Bwire kuhusiana na heka heka za uchaguzi wa Uganda.