|
TRIPLE A FM 88.5
HABARI KWA UFUPI
JUMAMOSI DESEMBA 05 SAA 11:ASUBUHI
|
Serikali ya Ujerumani imeeleza kufurahishwa na kasi ya
kupambana na rushwa na ufisadi ya Rais John Magufuli na kuahidi kumpa
ushirikiano katika masuala ya maendeleo.
Ujerumani inakuwa nchi ya kwanza ya kigeni kuvutiwa na
kasi ya Rais Magufuli ambaye ameonekana kuelekeza nguvu si tu kupambana na
maovu hayo tangu aapishwe Novemba 5, bali pia kuchochea maendeleo ya watu wenye
kipato cha chini.
Akitoa pongezi hizo Jijini Dar es salaam Mkurugenzi wa
Afrika, Wizara ya Mambo ya Nje ya Ujerumani, Georg Schmidt amesema Ujerumani inasubiri kuona vipaumbele
vya maendeleo vitakavyoainishwa na serikali ya Rais Magufuli ili iweze
kuisaidia utekelezaji.
Akizungumza na waandishi wa habari kuhusu ziara yake ya
siku tano hapa nchini, Schmidt amesema katika kipindi cha mwezi mmoja Dokta
Magufuli ameweza kushughulikia masuala muhimu ya kijamii ikiwamo kuboresha
huduma za afya na kuwa shughulikia wakwepa kodi.
================================================
Mkuu wa mkoa
wa Arusha Bwana Felix Ntibenda amemuagiza mkurugenzi wa mamaka ya maji Bi Ruth
Koya kuhakikisha huduma ya maji inapatikana wakati wote kwenye masoko ili
kuimalisha usafi na kuzuia magonjwa ya milipuko kikiwemo kipindupindu.
Ntbenda
ametoa kauli hiyo wakati akizindua zoezi la usafi katika wiaya zote za mkoa wa
Arusha zoezi litakalodumu mpaka desemba 9 mwaka huu ikiwa ni agizo la Raisi
John Pombe Magufuri la kuimalisha usafi ili kuzuia mlipuko wa ugonjwa wa
kipindipindu.
Aidha
Ntibenda amewaagiza watendaji wa soko la kilombero kuhakikisha wanakarabati
miundombinu ya maji taka ikiwemo mifereji ili kuruhusu maji taka kutiririka
vyema.
NA
Serikali ya Iraq imeiamuru Uturuki iondoe wanajeshi wake
katika eneo la mpakani karibu na mji wa Mosul ambalo linadhibitiwa na
wapiganaji wa Islamic State.
Afisi ya Waziri Mkuu wa Iraq Haider al-Abadi imetaja hatua ya Uturuki kuingiza majeshi maeneo ya
Uturuki kuwa kuingilia uhuru na mipaka ya taifa hilo.
Mamia ya wanajeshi wa Uturuki, wakiwa na vifaru, walivuka
mpaka na kuingia eneo hilo kwa lengo la kuwapa mafunzo wapiganaji wa Kikurdi
nchini Iraq ambao wamekuwa wakipambana na wapiganaji wa Islamic State.
Ripoti zinasema wanajeshi 150 walikuwa wametumwa katika
mji wa Bashiqa.
========================================
|
NA HUO NDIO MWISHO WA HABARI KWA
UFUPI KUTOKA TRIPLE A FM; KWA TAARIFA KAMILI YA HABARI JIUNGE NASI SAA 3:00
USIKU….MIMI NI ……………………………
|
MSOMAJI………………………….MAONI…………………….
MHARIRI MKUU……………… .MAONI…………………
MHARIRI………………………….MAONI…………………..
0 comments:
Post a Comment