PONGEZI KWAKO JPM ALUTA KONTINUA

Tumepokea kwa matumaini mema mikakati mbalimbali iliyotangazwa na Rais John Pombe Magufuli (JPM) ya kuimarisha mapato ya Serikali kwa kukusanya kodi zaidi na kupunguza matumizi ya fedha ikiwa ni pamoja na kupiga marufuku safari za nje ya nchi

Hii inatokana na ukweli kwamba serikali yoyote duniani inahitaji fedha kwa ajili ya shughuli za maendeleo; kugharimia huduma za afya, elimu, ujenzi wa miundombinu ya usafiri, viwanda na maeneo ya uzalishaji.

Hivyo ili kuhakikisha hayo yanafanyika kama ilivyoelezwa katika Ilani ya Uchaguzi, JPM aliweka wazi mikakati hiyo alipokutana na makatibu wakuu, naibu makatibu wakuu, Gavana wa Benki Kuu (BoT), Kamishna wa Mamlaka ya Mapato Tanzania (TRA) na kuwasisitizia mkazo mkubwa ni kuongeza mapato.

Baadhi ya mikakati hiyo ni TRA kuongeza makusanyo ya kodi, kuwabana wafanyabiashara wakubwa na kuacha kutoa ovyo misamaha ya kodi ili kila mfanyabiashara aweze kulipa kodi kulingana na aina na ukubwa wa biashara yake. Lengo la mkakati huu ni kuondokana na utaratibu uliozoelekea wa kuwabana zaidi wafanyabiashara wadogo na wa kati, ilhali wakubwa wakikwepa kwa mbinu mbalimbali zikiwamo za kupewa misamaha.

Mikakati mingine iliyotajwa wakati wa kikao hicho ni kupiga marufuku safari za nje ya nchi kwa watendaji wengi na kwamba shughuli ambazo wangepaswa kwenda kuzifanya, kuanzia sasa zitahitaji kibali cha JPM au zitafanywa na mabalozi wa Tanzania walioko katika nchi husika.

Tumepokea na kuunga mkono mikakati hiyo kwa kuwa ni kweli, baadhi ya watendaji wakuu; makatibu, wakurugenzi na hata mawaziri wamekuwa wakisafiri kila uchao kwa shughuli ambazo mabalozi wetu wangeweza kufanya. Mathalani, hivi kweli kupokea tuzo inayopewa